آئی ایم ایف نے عمران خان کا خط ملنے کی تصدیق کردی

آئی ایم ایف نے عمران خان کا خط ملنے کی تصدیق کرتے ہوئے اس اپنے ردِ عمل کا اظہار کیا ہے۔

آئی ایم ایف کی نمائندہ ایسٹر پیرز نے ایک بیان میں کہا کہ آئی ایم ایف کو پی ٹی آئی کی جانب سے 28 فروری کو خط ملا۔ پی ٹی آئی کی جانب سے خط پاکستان کے قرض پروگرام سے متعلق ہے۔

نمائندہ آئی ایم ایف ایسٹر پیرز نے کہا ہے کہ آئی ایم ایف بین الاقوامی ادارہ ہے جس کا معاشی مسائل تک مینڈیٹ محدود ہے۔آئی ایم ایف مقامی اور سیاسی مسائل پر تبصرہ نہیں کرتا۔

آئی ایم ایف کی نمائندہ ایسٹر پیرز نے یہ بھی کہا ہے کہ ہم ادارہ جاتی معاشی استحکام اور ترقی کے لیے انتخابی تنازعات کے شفاف اور پُر امن حل کی حوصلہ افزائی کرتے ہیں۔