عمران خان میں حکومت چلانے کا شعور ہی نہیں تھا، غرور آ گیا تھا، پرویز خٹک

چیئرمین پی ٹی آئی پارلمینٹیرین پرویز خٹک نے کہا ہے کہ عمران خان میں شعور نہیں تھا کہ حکومت کیسے چلائی جاتی ہے، ان میں غرور آگیا تھا۔

پرویز خٹک نے سابق وفاقی وزیر لعل محمد خان سے ملاقات کی اور انہیں پارٹی میں شمولیت کی دعوت دی۔

اس موقع پر چیئرمین پی ٹی آئی پارلمینٹیرین پرویز خٹک نے میڈیا سے گفتگو کے دوران کہا کہ گزشتہ ساڑھے 4 سال کی زندگی پریشان کُن تھی، پی ٹی آئی کی حکومت میں کوئی گدھا بھی باہر سے آجاتا تو وہ باعزت ہوتا تھا۔

سابق وزیراعلیٰ خیبر پذختونخوا نے مزید کہا کہ کابینہ میں فیصلے ہوتے تھے مگرعمران خان کو پتہ ہی نہیں ہوتا تھا، حکومت عمران خان کی تھی ہی نہیں، حکومت تو اعظم خان چلاتا تھا۔

پرویز خٹک نے کہا کہ کہ عمران خان کو نہ کابینہ میں اور نہ ہی گھر میں اختیار تھا، عمران خان فیصلے کر کے رات کو گھر جاتے تو صبح فیصلے تبدیل کر دیتے۔