فیض حمید کو کبھی اثاثہ، کبھی ہیرو اور کبھی زیرو کہنے والے عمران خان شدید ذہنی اضطراب

وفاقی وزیر اطلاعات عطا تارڑ نے لیفٹیننٹ جنرل (ر) فیض حمید کے اوپن ٹرائل کا مطالبے کو فوج کے معاملات میں مداخلت قرار دیا ہے۔

وفاقی وزیر اطلاعات عطاءاللہ تارڑ نے عمران خان کے بیان پر ردعمل میں کہا کہ بانی چیئرمین پی ٹی آئی کی مسلسل کوشش ہے کہ وہ اپنے بیانات سے اس معاملہ کو متنازعہ بنائیں۔ آج فیض حمید کے دفاع میں بیان دینے والا 190 ملین پاؤنڈ کے کیس کا جواب دے۔ایسے بیانات سے ثابت ہوتا ہے کہ وہ شدید پریشانی اور تذبذب کا شکار ہے۔

عطا تارڑ نے کہا کہ بانی پی ٹی آئی نے فیض حمید کیس کو فوج کا اندرونی معاملہ قرارنہ دے کر ثابت کر دیا کے فیض حمید واقعی ہی بانی چیئرمین کا اثاثہ تھے۔ یہ فیض حمید کو کبھی اثاثہ، کبھی ہیرو اور کبھی زیرو کہتے ہیں۔ جس سے لگتا ہے وہ ذہنی طور پر کافی پریشانی کا شکار ہیں۔

عطا تارڑ نے کہا کہ فیض حمید کیس میں بھی یہی پتہ چلتا ہے کہ بانی چیئرمین پی ٹی آئی لوگوں کو استعمال کر کے پھینکنے میں کوئی ثانی نہیں رکھتے۔انہیں محسن کشی میں مہارت حاصل ہے۔