سیاسی مذاکرات کے لیے عمران خان کا سپریم کورٹ کو خط لکھنے کا فیصلہ

سپریم کورٹ کی جانب سے سابق وزیراعظم عمران خان کو دیگر سیاسی جماعتوں سے بات چیت کے مشورہ کے بعد عمران خان نے سپریم کورٹ کو مذاکرت کے حوالے سے خط لکھنے کا فیصلہ کرلیا۔ذرائع کے مطابق عمران خان کا موقف ہے کہ خط ملک کو درپیش معاشی مشکلات اور سیاسی عدم استحکام ختم کرنے کیلئے لکھ رہا ہوں، ملک کو درپیش سنگین معاشی و سیاسی عدم استحکام ختم کرنے کیلئے ہر سنجیدہ فریق سے بات کرنے کو تیار ہیں۔

پارٹی ذرائع کے مطابق عمران خان اپنے خط میں کہیں گے کہ وہ ہر اس فریق سے مذاکرات کو تیار ہیں جو معاشی و سیاسی مسائل حل کرنے کی استطاعت رکھتاہو۔

ذرائع نے بتایا کہ انتخابی مینڈیٹ کی واپسی،نو مئی جوڈیشل انکوئری سمیت دیگر سیاسی کیسز میں فئیر ٹرائل کے نکات بھی خط میں شامل ہوں گے۔

ذرائع نے کہا کہ  عمران خان نے خط کا ضروری متن نوٹ کروادیا ہے۔ نیب ترامیم کیس میں ججز نے بانی پی ٹی آئی کو دیگر سیاسی جماعتوں سے بات چیت کا مشورہ دیا تھا۔