فرینکفرٹ میں افغان شہریوں کا پاکستان کے سفارتخانے پر حملہ، پتھراؤ، پرچم کی بیحرمتی

جرمنی کے شہر فرینکفرٹ میں افغان شہریوں نے پاکستانی سفارتی مشن کے باہر ہنگامہ آرائی اور توڑ پھوڑ کی ہے۔ کچھ افغان شہریوں نے پاکستانی سفارتخانے پر دھاوا بول دیا اور قومی پرچم کی بے حرمتی بھی کی۔

8 سے 10افغان شہریوں نے پاکستانی قونصل خانے کے اندر جانے کی کوشش کی جبکہ افغان شہریوں نے پتھراؤ بھی کیا ہے۔

دیگر اطلاعات کے مطابق افغان شہری قونصل خانے کے اندر داخل ہوگئے اور پاکستان کے قومی پرچم کی بے حرمتی کی۔ ان مناظر کی ویڈیو سوشل میڈیا پر وائرل ہو رہی ہے۔

جرمن حکام نے افغان شہریوں کو احتجاج کی اجازت دی تھی تاہم افغانی آپے سے باہر ہو گئے۔

اس پر جرمن پولیس نے 2 افغان شہریوں کو حراست میں لے لیا ہے۔

پاکستانی حکام کا کہنا تھا کہ غیر ملکی سفارتی تنصیبات کی سیکیورٹی جرمن حکومت کی ذمہ داری ہے۔ حکام کا مزید کہنا تھا کہ بین الاقوامی برادری میں بھی سفارتی تنصیبات کی سیکیورٹی کے حوالے سے تشویش ہو رہی ہے۔

جرمن پولیس کا کہنا تھا کہ ویڈیوزکی مدد سے مزید مظاہرین کی شناخت کررہے ہیں۔ پاکستانی سفارتی حکام نے برلن میں جرمن وزارت خارجہ سے معاملہ اٹھایا گیا ہے۔

جبکہ جرمن حکام کی جانب سے پاکستانی سفارتخانے کو مکمل تحقیقات کی یقین دہانی کرائی گئی ہے۔