تازہ ترین
پنجاب اسمبلی اجلاس میں اپوزیشن کا شور شرابہ، سپیکر ڈائس کا گھیراؤ
![](https://urduchronicle.com/wp-content/uploads/2024/03/in-the-punjab-assembly-session-the-opposition-made-noise-surrounded-the-speakers-desk.jpg)
پنجاب اسمبلی کا اجلاس میں اپوزیشن سنی اتحاد نے احتجاج کرتے ہوئے شور شرابا کیا۔ اسمبلی اجلاس میں سنی اتحاد کونسل کے ارکان نے اسپیکر ڈائس کا گھیراؤ کرکے نعرے لگائے۔
اسپیکر پنجاب اسمبلی ملک محمد احمد خان کی زیر صدارت پنجاب اسمبلی کا اجلاس ایک گھنٹہ انتیس منٹ کی تاخیر سے شروع ہوا۔
پنجاب اسمبلی میں خواتین،اقلیتوں کی 24 نشستوں پر ن لیگی ارکین نے حلف اٹھایا تو اپوزیشن سنی اتحاد نے احتجاج کرتے ہوئے ایوان سر پر اٹھا لیا۔
پنجاب اسمبلی میں سنی اتحاد کونسل کے ممبران اسپیکر ڈائس کے سامنے احتجاج کرتے ہوئے کھڑے ہوگئے۔
اسپیکر ملک احمد خان نے کہا کہ معزز ممبران سے درخواست ہے اپنی بینچز پر جائیں، ڈائس کے سامنے سے چلے جائیں۔اپوزیشن ممبران اپنی سائیڈ پر جا کر جو مرضی چاہے کریں۔
اجلاس میں سعدیہ مظفر ، فضاء میمونہ ، عابدہ بشیر ، مقصودن بی بی، عامرہ خان، صومیہ عطاء ، راحت افزاء، رخسانہ شفیق، تحسین فواد، فرزانہ عباس، شگفتہ فیصل ، عظمیٰ بٹ، نصرین ریاض، ماریہ طلال ، ساجدہ نوید، افشین حسن، آمنہ پروین، شہر بانو، زیبا غفور، روبینہ نذیر اور سیدہ سمیرہ احمد نے حلف اٹھایا۔
اقلیتوں میں طارق مسیح ، وسیم انجم اور بسرو جی کو بھی حلف اٹھایا۔
عمران خان اور تحریک انصاف کے دیگر رہنماؤں اور صحافیوں کی رہائی کی قرارداد پنجاب اسمبلی میں پیش کر دی گئی۔
قرار داد کے متن کے مطابق بانی پی ٹی آئی کے خلاف جتنی بھی غیر قانونی ایف آئی آرز درج ہیں ان کو فی الفور ختم کیاجائے۔ بانی پی ٹی آئی کو فوری رہا کیا جائے اور قانون کا غلط استعمال بند کیاجائے۔
قرار داد میں کہا گیا کہ بانی پی ٹی آئی پر ناجائز مقدمات کی کوئی قانونی حیثیت نہیں ہے۔ انتقامی سیاست ملکی مفاد میں ہے اور نہ ہی عوام کے مفاد میں ہے۔ تمام مقدمات بانی پی ٹی آئی کو عوام سے دور کرنے کےلئے بنائے گئے ہیں۔
قرارداد میں شاہ محمود قریشی ، یاسمین راشد، پرویز الہٰی ، عمر سرفراز چیمہ، اعجاز چوہدری، میاں محمود الرشید اور صنم جاوید سمیت دیگر رہنماؤں کے علاوہ صحافی عمران ریاض اور اسد طور پر مقدمے ختم کر کے انہیں رہا کرنے کا مطالبہ کیا گیا۔
-
کھیل10 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کھیل12 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
تازہ ترین4 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے
-
ٹاپ سٹوریز1 سال ago
آئی ایم ایف بورڈ سے معاہدہ منظور،1.2 ارب ڈالر کا فوری اجرا ممکن، باقی رقم دو سہ ماہی جائزوں سے مشروط
-
کالم1 سال ago
اسلام میں عبادت کا تصور
-
پاکستان4 مہینے ago
مریم نواز سے گورنر پنجاب کی ملاقات،صوبے کی ترقی کے لیے اہم امور پر تبادلہ خیال
-
تازہ ترین7 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
پاکستان5 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی