پاکستان
پاکستان میری ٹائم ایجنسی کی 12 ویں باراکوڈا مشق کا افتتاح
![](https://urduchronicle.com/wp-content/uploads/2024/01/inauguration-of-pakistan-maritime-agencys-12th-barracuda-exercise-1.jpg)
پاکستان میری ٹائم سیکورٹی ایجنسی کی 12 ویں باراکوڈا مشق کا کراچی میں افتتاح کردیا گیا،پرچم کشائی کی تقریب پی ایم ایس اے ہیڈکواٹرز میں ہوئی۔
مشق کا آغاز ہیڈکوارٹرز پاکستان میری ٹائم سیکورٹی ایجنسی میں تلاوت قرآن پاک سے ہوا،بعدازاں پرچم کشائی کی تقریب ہوئی،ڈائریکٹر جنرل پاکستان میری ٹائم سیکورٹی ایجنسی رئیرایڈمرل امتیاز علی نے یادگار شہداء پر پھولوں کی چادر چڑھائی اور فاتحہ خوانی کی۔
افتتاحی تقریب میں تینوں مسلح افواج کے علاوہ میری ٹائم سکیورٹی کی اعلیٰ قیادت شریک ہوں،تقریب میں بیرون ملک سے آنے والے مندوب و مبصر بھی شریک ہوئے،بعدازاں شہر کے مقامی ہوٹل میں سیمینار کا انعقاد کیا گیا۔
مشق کے پہلے روز مقامی سیمینار کے مہمان خصوصی وفاقی وزیر برائے ماحولیاتی تبدیلی احمد عرفان تھے۔
ڈی جی میری ٹائم سیکیورٹی ایجنسی رئیر ایڈمرل امتیاز علی کا بارہویں باراکوڈا مشق کی افتتاح تقریب سے خطاب میں کہنا تھا کہ گلوبلائزڈ دنیا میں سمندر کے وسائل اور ماحول پر بنی نوع انسان کا انحصار کئی گنا بڑھ گیا ہے،بحری سرگرمیوں میں آلودگی میں اضافہ سمندری ماحول کے لیے خطرہ ہے،عالمی تجارت کا %90 سے زیادہ حصہ بحری ٹریفک کے ذریعہ ہے،گراؤنڈنگ یا پورٹ آپریشنز کے دوران تیل یا کیمیائی رساؤ کے ذریعے سمندری آلودگی کا سبب ہے، آلودگی کے بروقت اور موثر کنٹرول کے لیے باقاعدگی سے مشق کی ضرورت ہے۔
بارا کوڈا کی 12 ویں سیریز 2 سے 4 جنوری تک جاری رہے گی ، پاکستان میری ٹائم سیکیورٹی ایجنسی نے خطے میں میری ٹائم سیکیورٹی کے تحفظ کے لیے قومی اور بین الاقوامی سطح پر مسلسل اہم کردار ادا کیا۔
مشق 2007 کے بعد سے پی ایم ایس اے کا ایک اہم جزو بن گئی ہے،سمندر میں تیل کے رساؤ کو کم کرنے اور اس پر قابو پانے کی اشد ضرورت 2003 میں کراچی میں ایم وی تسمان اسپرٹ کے واقعے کے بعد پیش آئی، نیشنل میرین ڈیزاسٹر کنٹیجنسی پلان کو حکومت نے 2007 میں منظور کیا۔
پاک بحریہ اور پاکستان میری ٹائم سیکیورٹی ایجنسی کو سمندر میں آلودگی، تیل کے رساؤ اور دیگر سمندری آفات سے نمٹنے کے لیے کوشاں ہے، پاکستان میری ٹائم سیکیورٹی ایجنسی کی طرف سے مشق باراکوڈا کا تصور دیا گیا،مشق کا مختلف شراکت داروں کے درمیان اتفاق رائے پیدا کرنا اور ایک مربوط ردعمل کو فروغ دینا ہے۔
-
کھیل10 مہینے ago
کم عمر لڑکی کی سیکس ویڈیو بنانے اور شیئر کرنے پر ریئل میڈرڈ کے 3 کھلاڑی گرفتار
-
کھیل8 مہینے ago
ورلڈ کپ میں ٹیم کی بدترین کارکردگی، سری لنکا نے اپنا کرکٹ بورڈ برطرف کردیا
-
کالم1 سال ago
اسلام میں عبادت کا تصور
-
تازہ ترین5 مہینے ago
بلا ٹرکاں والا سے امیر بالاج تک لاہور انڈر ورلڈ مافیا کی دشمنیاں جو سیکڑوں زندگیاں تباہ کرگئیں
-
ٹاپ سٹوریز1 سال ago
مرزا داغ دہلوی،حسن و عشق کے چرچے،محبت کی گھاتیں، عیش و عشرت کی راتیں
-
پاکستان3 مہینے ago
پنجاب حکومت نے ٹرانسفر پوسٹنگ پر عائد پابندی ہٹالی
-
لائف سٹائل12 مہینے ago
ثومیہ خان کا نیا گیت ’ میرا لکھاں وچ اک ڈھولا‘ کبڈی ٹیم کپتان شفیق چشتی اور دیدار کی ماڈلنگ
-
تازہ ترین2 مہینے ago
چیئرمین پی سی بی دو طرفہ سیریز پر بات کرنے آئرلینڈ پہنچ گئے