بھارت مذہبی جنون کی گرفت میں، نئی دہلی نے سفارتکاری کا راستہ بھی بند کردیا، بلاول

وزیر خارجہ بلاول بھٹو زرداری نے کہا ہے کہ بھارت مذہبی جنون کی گرفت میں ہے جس نے مذاکرات اور سفارت کاری کا راستہ بند کر دیا ہے۔

ٹوکیو میں ایشین ڈویلپمنٹ بینک انسٹی ٹیوٹ سے خطاب کرتے ہوئے بلاول بھٹو زرداری نے کہا کہ جنوبی ایشیا میں اُس وقت تک امن قائم نہیں ہو سکتا جب تک جموں و کشمیر کا دیرینہ مسئلہ مذاکرات اور اقوام متحدہ کی سلامتی کونسل کی قراردادوں کے مطابق حل نہیں کیا جاتا۔

انہوں نے کہا کہ پاکستان عالمی ادارے کی قرار داد پر عملدرآمد کیلئے ہمیشہ تیار ہے۔پاکستان اور جاپان کے درمیان دوطرفہ تعلقات کے حوالے سے انہوں نے زور دے کر کہا کہ دونوں ممالک کو علاقائی روابط کے استحکام اور دوطرفہ تجارتی حجم میں اضافے کے بارے میں موثر بنیادی ڈھانچے کی تیاری پر ملکر کام کرنا چاہئے۔