زخمی ہاردک پانڈیا کی انگلینڈ کے خلاف میچ میں شرکت مشکوک

آئی سی سی کرکٹ ورلڈ کپ   میں بنگلا دیش کیخلاف میچ کے بعد انجری کا شکار ہونے والے  بھارتی کرکٹر ہاردک پانڈیا صحتیاب نہ ہو سکے۔

بھارتی میڈیا  کے مطابق ہاردک پانڈیا ٹخنے کی انجری کا شکار ہیں جس کی وجہ سے بی سی سی آئی کی مینجمنٹ کوئی خطرہ مول نہیں لینا چاہتی، انجری کے باعث ہاردک پانڈیا کی انگلینڈ کے خلاف میچ میں بھی شرکت مشکوک ہے۔

بھارتی بورڈ آفیشل کا کہنا ہے کہ ہاردک پانڈیا کی انجری باعث تشویش نہیں ہے، آل راؤنڈر تیزی سے صحتیاب ہو رہے ہیں، ٹیم مینجمنٹ ہاردک پانڈیا کو احتیاطی طور پر فوری کھلانا نہیں چاہتی۔

ہاردک پانڈیا انجری کے باعث اتوار کو نیوزی لینڈ کے خلاف میچ نہیں کھیل سکے تھے،  بھارت اور انگلینڈ کے درمیان میچ 29 اکتوبر کو کھیلا جائے گا۔