ورلڈ کپ کے دوران پاکستان میں جوئے کی انٹرنیشنل کمنیاں سرگرم،لاہور پولیس نے بیٹ پرو کے 5 بکئے پکڑ لیے

کرکٹ ورلڈ کپ میں انٹرنیشنل کمپنیوں نے بھی پہلی بار پاکستانیوں کے ساتھ کام شروع کر دیا پولیس نے آن لائن جوا کروانے والے بکیوں کا بیٹ پرو نامی کمپنی کا نیٹ ورک پکڑ لیا۔ لیاقت آباد پولیس نے کاروائی کرتے ہوئے 5 بکیے گرفتارکر لئے۔

گرفتار ملزمان میں حبیب رفیق، عبدالحفیظ ،رضوان، پرویز اور حسیب صدیق شامل ہیں ملزموں سے موقع پر کمپیوٹر لیپ ٹاپس، ایل ای ڈی اور پانچ قیمتی موبائل فونز جن میں کروڑوں روپے کی ٹرنزیکشن کے شواہد موجود ہیں اس کے علاوہ دو گاڑیاں برآمد کر لی گئیں۔

ملزمان نے اعتراف کیا کہ بیٹ پرو نامی کمپنی سے آن لائن ورلڈ کپ میچوں پر جوا کھیلتے تھے اور کروڑوں روپے بینکوں میں موجود اپنے بینک اکائونٹس کی مدد سے بیرون ملک بھیجتے تھے جس کے ثبوت پولیس نے حاصل کر لئے ہیں۔

پولیس کے ذرائع کے مطابق اسوقت لاہور بھر میں کئی انٹر نیشنل کمپنیاں کام کر رہی ہیں جن میں سے اکثریت پوش علاقوں میں کام کر رہی ہے جن پر ہاتھ ڈالنا آسان نہیں،تاہم پاکستان سے انہی دنوں میں اربوں روپے بیرون ملک بھیجے جانے کا انکشاف بھی ہوا ہے۔

ذرائع کے مطابق زیادہ رقوم کراچی، اس کے بعد لاہور سیالکوٹ اور اسلام آباد سے بیرون ملک بھیجی جا رہی ہیں۔

سب سے زیادہ رقوم دبئی، انگلینڈ ،سائوتھ افریقہ بھیجی جا رہی ہیں مگر ملک میں موجود ادارے ان کے حوالے سے اب تک کوئی کاروائی عمل میں نہیں لائے۔