پاکستان
سول ہسپتال کراچی سے کروڑوں روپے کی ادویات چوری ہونے کا انکشاف
سول اسپتال کراچی میں کروڑوں روپے مالیت کی ادویات کی چوری کا انکشاف ہوا ہے، ایم ایس سول اسپتال ڈاکٹر خالد بخاری کی مدعیت میں دو ملازمین کے خلاف ایف آئی آر درج کرلی گئی، اسپتال کے ملازمین نیاز احمد خاصخیلی اور اقبال احمد کو مقدمے میں نامزد کیا گیا ہے۔
چوری شدہ ادویات کی مالیت 36 کروڑ روپے بتائی جاتی ہے، ادویات کینسر کے علاج کے لیے استعمال کی جاتی تھیں، پولیس حکام کے مطابق فوری طور پر کوئی گرفتاری عمل میں نہیں آسکی، ملزمان کی گرفتاری کے لیے مختلف مقامات پر چھاپے مارے جارہے ہیں۔