جماعت اسلامی کراچی نے الیکشن نتائج مسترد کر دیئے، دھرنوں کا اعلان

جماعت اسلامی کراچی کے امیر حافظ نعیم الرحمان نے نتائج کو مسترد کرتے ہوئے دھرنوں کا اعلان کردیا۔

حافظ نعیم الرحمان کہتے ہیں کراچی سے جماعت اسلامی اور آزاد امیدوار جیت رہے تھے ایم کیو ایم پاکستان کا نام و نشان نہیں تھا۔ فارم 45 سے فارم 47 کے دوارن ہی عوام کا مینڈیٹ چوری ہوگیا۔

پریس کانفرنس کے دوران حافظ نعیم الرحمان کا کہنا تھا عام انتخاب 2024 عوامی الیکشن نہیں رہا،شہر میں ایک بار پھر زبردستی عوام میں غیرمقبول سیاسی جماعتوں کو مسلط کیا جارہا ہے۔

حافظ نعیم الرحمان کا کہنا تھا یہ انتخابات بھی آر و اور ڈی آر اوز کے بن گئے ہیں۔ الیکشن کمیشن تماشا بنا ہوا ہے۔

حافظ نعیم الرحمان نے نتائج مسترد کرتے ہوئے دھرنوں کا اعلان کرتے ہوئے کہا کے جو بھی دھرنوں میں شامل ہونا چاہے ہوسکتا ہے۔