جسٹس بابر ستار نے آڈیو لیکس کیس میں دھمکی آمیز پیغام ملنے کا انکشاف کردیا

عدلیہ میں مداخلت کا ایک اور بڑا کیس سامنے آگیا،اسلام آباد ہائیکورٹ کے جسٹس بابر ستار نے مداخلت کی نشاندہی کر دی۔

جسٹس بابر ستار نے چیف جسٹس اسلام آباد ہائیکورٹ جسٹس عامر فاروق کو خط لکھا ہے جس میں کہا گیا کہ سکیورٹی اسٹیبلشمنٹ کے ٹاپ آفیشل کی طرف سے پیغام ملا سرویلنس کے طریقہ کار کی اسکروٹنی کرنے سے پیچھے ہٹ جاؤ، میں نے اس طرح کے دھمکی آمیز حربے پر کوئی توجہ نہیں دی۔

خط میں کہا گیا کہ میں نےیہ نہیں سمجھاکہ اس طرح کےپیغامات سے انصاف کےعمل کوکافی نقصان پہنچنےکاخطرہ ہے، پی ٹی اے سے متعلقہ مقدمات بارے بدنیتی پر مبنی مہم کا فوکس عدالتی کارروائی کو متاثر کرنے کیلئے ایک دھمکی آمیز حربہ معلوم ہوتا ہے،آڈیو لیکس کیس میں خفیہ اور تحقیقاتی اداروں کو عدالت نے نوٹس کئے،متعلقہ وزارتیں ، ریگولیٹری باڈیز اور آئی ایس آئی ، آئی بی، ایف آئی اے کو نوٹس کئے۔

جسٹس بابر ستار نے لکھا کہ عدالت نے ریگولیٹری باڈیز پی ٹی اے ، پیمرا کو بھی نوٹس کئے تھے۔