کراچی: مال میں ویڈیو بناتے یوٹیوبر کو سکیورٹی گارڈ نے قتل کردیا

کراچی کے علاقے سخی حسن سرینا موبائل مال میں سیکیورٹی گارڈ نے فائرنگ کرکے نوجوان یوٹیوبر کو قتل کردیا، مقتول کی شناخت سعد کے نام سے ہوئی، واقعے کی سی سی ٹی وی منظر عام پر آگئی۔

فوٹیجز میں دیکھا جاسکتا ہے کہ مقتول اپنے موبائل سے ویڈیو بنا رہا ہے جب قریب کھڑے گارڑ نے اسکے سینے پر کلاشنکوف سے فائر کردیا، گولی لگتے ہی سعد گر پڑا ، نوجوان کو عباسی شہید اسپتال منتقل کیا گیا تاہم وہ جانبر نا ہوسکا۔

دوستوں کے مطابق مقتول امریکا میں ہونے والے پاک بھارت کرکٹ میچ پر عوامی تاثرات ریکارڑ کرنے سرینا موبائل مال گیا تھا اور انتظامیہ کی اجازت سے لوگوں کی گفتگو ریکارڑ کررہا تھا، پولیس نے موقع پر پہنچ کر سیکیورٹی گارڑ کو حراست میں لے لیا۔

ولاگر کے قتل کا مقدمہ اسکے والد مختار احمد کی مدعیت گرفتار سیکیورٹی گارڈ، سیکیورٹی کمپنی اور موبائل مال کے زمہ داران کے خلاف درج کرلیا گیا ہے