پاکستان
کراچی بندرگاہ: پیاز کی آڑ میں 3 من چرس دوحہ بھجوانے کی کوشش ناکام بنادی گئی
اینٹی نارکوٹکس فورس نے کراچی بندرگاہ کے بین الاقوامی کنٹینر ٹرمینل پر کارروائی کے دوران سمندری راستے سے پھلوں اور سبزیوں کی آڑ میں 3 من سے زائد چرس بیرون ملک اسمگل کرنے کی کوشش ناکام بنادی۔
ترجمان اے این ایف کے مطابق کراچی میں پاکستان انٹرنیشنل کنٹینر ٹرمینل پر بڑی کارروائی کی گئی،جس کے دوران سبزیوں اور پھلوں کی آڑ میں بیرون ملک منشیات اسمگلنگ کی کوشش ناکام بنا دی۔
دوحہ کیلئے بک کئے گئے کنٹینر سے 3 من سے زائد چرس برآمد کر لی گئی،تلاشی لینے پر پیاز سے بھرے کنٹینر میں چھپائی گئی 125 کلوگرام چرس برآمد ہوئی۔
برآمدہ چرس کو مہارت کیساتھ پیاز کی جھلیوں میں چھپایا گیا تھا،کنٹینر کراچی کی نجی کمپنی کی جانب سے قطر کیلئے بک کیا گیا تھا،منشیات قبضے میں لیکر ملوث ملزمان کی تلاش شروع کر دی گئی ہے۔