کراچی: ڈیفنس میں شوروم مالک قتل، قاتل نے خود کو گولی مار کر زخمی کرلیا

کراچی کے علاقے ڈیفنس میں کاروباری تنازع پر فائرنگ سے ایک شخص قتل کردیا گیا، قاتل نے بعد خود کو بھی گولی مار کر زخمی کرلیا، واقعہ ڈیفنس فیز 2 میں واقع کار شو روم کے دفتر میں پیش آیا جہاں شفیع نامی شخص نے شو روم کے مالک کمال صدیقی کو قتل کردیا۔

واقعہ کی سی سی ٹی وی فوٹیج میں دیکھا جاسکتا ہے کہ پہلے قاتل نے مقتول کو تھپڑ مار کر صوفے پر دھکا دیا پھر پستول سے اس پر فائرنگ کردی، شفیع نے پھر پستول سے خود پر گولی چلائی جس سے وہ زخمی ہوگیا۔

واقعے کے بعد پولیس نے موقع پر پہنچ کر مقتول کی لاش اور زخمی کو اسپتال منتقل کیا ، پولیس کو جائے وقوع سے تیس بور پستول کے خول ملے ہیں، پولیس واقعے کی مزید تحقیقات کر رہی ہے۔