کراچی: وائٹ کرولا گینگ کے دو مطلوب ملزم مبینہ مقابلے میں مارے گئے

کراچی کے تھانہ جمشید کوارٹر پولیس اور وائٹ کرولا گینگ کے درمیان مبینہ مقابلے میں درجنوں وارداتوں میں مطلوب دو ملزمان مارے گئے جبکہ ان کے دو ساتھی فرار ہوگئے۔

ہلاک ملزمان کی شناخت شاہد عرف برگر اور شاہد عرف کالے کے ناموں سے ہوئی۔

پولیس کے مطابق ملزمان اکثر وارداتوں میں وائٹ کرولا اور وائٹ سٹی کاریں استعمال کرتے تھے۔

ملزمان کے کریمنل ریکارڑ کے مطابق ملزم شاہد برگر کورنگی کا رہائشی ہے اور کراچی کے اضلاع کورنگی، شرقی اور جنوبی میں ڈکیتی کی پچیس وارداتوں میں پہلے بھی گرفتار ہوچکا ہے۔

ملزم شاہد کالا ملتان کا رہائشی ہے اور ڈکیتی کی دس وارداتوں میں پہلے بھی گرفتار ہوچکا ہے، ملزمان کے قبضے سے اسلحہ بھی برآمد کیا گیا ہے۔