انگلش بالرز کے سامنے کیویز بلے باز بے بس، پہلے ٹی 20 میں نیوزی لینڈ کو 7 وکٹوں سے شکست

انگلینڈ نے پہلے ٹی ٹوئنٹی میں نیوزی لینڈ کو 7 وکٹوں سے شکست دے دی ہے ، ریورسائیڈ گراؤنڈ میں ہونے والے میچ میں  میزبان انگلینڈ نے ٹاس جیت کر باؤلنگ کا فیصلہ کیا، انگلش باؤلرز کی شاندار باؤلنگ کی بدولت کیوی ٹیم بڑا ٹوٹل اسکور کرنے میں ناکام رہی اور مقررہ 20 اوورز میں 139 رنز بنا پائی، کیوی ٹیم کی جانب سے گلین فلپس نے 41  رنز اسکور کئے، انگلینڈ کی جانب سے برائیڈن کارس اور لوک وو ڈ نے تین تین کھلاڑیوں کو آؤٹ کیا۔

ہدف کے تعاقب میں انگلش ٹیم نے شاندار بلے بازی کا مظاہرہ کیا،انگلش  بیٹرز نے  140 رنز کا ہدف محض 14 اوورز میں پورا کر ڈالا، ڈیوڈ ملان نے 52 رنز کی ذمہ دارانہ اننگز کھیلی جبکہ ہیری بروک 27 گیندوں پر 43 رنز بنا کر ناقابل شکست رہے۔

The winning moment! 🏆

What a way to get over the line 👏 #EnglandCricket | #ENGvNZ pic.twitter.com/ShQ6cmQDRJ

— England Cricket (@englandcricket) August 30, 2023

عمدہ کارکردگی پر ڈیبیو کرنے والے برائیڈن کارس  کو مین آف دی میچ قرار دیا گیا ،میزبان انگلینڈ ٹیم کو 4 میچوں کی ٹی ٹوئنٹی سیریز میں ایک صفر کی فیصلہ کن برتری حاصل ہو گئی ہے، سیریز کا دوسرا ٹی ٹوئنٹی کل کھیلا جائے گا۔