کلر کہار: موٹر وے پر ٹریفک حادثہ، ایک ہی خاندان کے 6 افراد ہلاک

سالٹ رینج کلر کہار میں المناک ٹریفک حادثے میں ایک ہی خاندان کے چھ افراد زندہ جل گئے۔

ریسکیو ذرائع کے مطابق  موٹروے سالٹ رینج میں ایل پی جی والا بوذر کار سے ٹکرا گیا، بوذر مخالف سمت سے آنے والی کار سے ٹکرا گئی، 6 افراد جاں بحق ہوگئے۔
بوذر بریک فیل ہونے سے بے قابو ہوکر دوسری سائیڈ پر کار سے ٹکرایا،بوذر نے کار کو کچل دیا اور دونوں میں آگ لگ گئی، تمام افراد جل گئے، ابھی تک 4 افراد کی جلی ہوئی نعشیں ٹراما سنٹر منتقل کی گئی ہیں۔
کار لاہور سے اسلام اباد آرہی تھی، جس میں ایک ہی فیملی سوار تھی،اب تک ایک بچے سمیت 3 افراد کی نعشیں ہسپتال منتقل کی گئی ہیں۔

کار میں سوار میاں بیوی بچوں سمیت 4 افراد کی ڈیڈ باڈیز کی شناخت اور لواحقین سے رابطے میں مشکلات پیش آ رہی ہیں ۔ فیملی ٹویوٹا یارس نمبر ADA 257 میں سوار تھی۔

ڈپٹی کمشنر چکوال کا کہنا ہے کہ گاڑی میں سوار میاں بیوی بچوں سمیت کی ڈیڈ باڈی مکمل طور پر جل چکی ہے،شہریوں کے پاس اس گاڑی یا فیملی کے حوالے سے کوئی معلومات ہوں تو ہمیں فی الفور آگاہ کریں، شہری اسسٹنٹ کمشنر کلرکہار کے نمبر 8668836 0345 پرر رابطہ کر سکتے ہیں۔