لاہور: شادی کی تقریب میں فائرنگ، ٹیپو ٹرکاں والا کا بیٹا امیر بالاج قتل، تین ساتھی زخمی

لاہور کے علاقے ٹھوکر نیاز بیگ کے قریب شادی کی تقریب میں فائرنگ سے ٹیپو ٹرکاں والا کا بیٹا امیر بالاج ٹیپو جاں بحق اوراس کے تین ساتھی  زخمی ہوگئے، چوہنگ پولیس نے مقتول کے بھائی امیرُمصعب کے بھائی کی مدعیت میں گوگی بٹ اور طیفی بٹ کے خلاف مقدمہ درج کر لیا،مقتول کے گن مین کی فائرنگ سے  حملہ آور بھی مارا گیاتھا،جبکہ ٹیپو ٹرکاں والا کو 2010 میں دبئی سے واپسی پر لاہور ائیر پورٹ پر قتل کردیا تھا۔

امیر بالاج ٹیپو ٹھوکرنیاز بیگ کے قریب رات گئے ایک نجی ہاوسنگ سوسائٹی میں شادی کی تقریب میں شریک تھا کہ وہاں موجود ایک حملہ آور نے فائرنگ کردی۔ جس سے امیر بالاج ٹیپو سمیت چار افراد زخمی ہوگئے۔ جنہیں اسپتال منتقل کیا گیا۔

امیر بالاج ٹیپو کو چار گولیاں لگیں اور خون زیادہ بہنے کی وجہ سے وہ دم توڑ  گیا۔ مقتول امیر بالاج ٹیپوکے گن مینوں کی فائرنگ سے شوٹر بھی موقع پر مارا گیا۔

واقعے کی اطلاع ملتے ہی پولیس کی بھاری نفری موقع پر پہنچ گئی۔ ڈی آئی جی آپریشنز علی ناصر رضوی کے مطابق واقعہ درینہ دشمنی کا شاخسانہ ہے ،تاہم یہ کس گروپ نے کیا ہے کہ انویسٹی گیشن جلد مکمل کر لی جائے گی

امیر بالاج ٹیپو کو لاہور کے چند بڑے دشمن داروں میں سے ایک ڈان سمجھا جاتاتھا۔ اسکا والد ٹیپوٹرکاں والا14 سال پہلے دشمنی کی  بھینٹ چڑھ گیا تھا۔