لاہور ہائیکورٹ نے عمران خان سمیت تمام سیتدانوں کی یکساں میڈیا کوریج کی ہدایت کردی

لاہور ہائیکورٹ نے جنرل الیکشن میں عمران خان سمیت سیاسی امیداروں کو یکساں میڈیا کوریج دینے کی ہدایت کردی ،جسٹس شمس محمود مرزا نے عمران خان کی درخواست پر دس صفحات پر مشتمل تحریری فیصلہ جاری کیا۔

جسٹس شمس محمود مرزا نے بانی پی ٹی آئی کی درخواست پر دس صفحات پر مشتمل تحریری فیصلہ جاری کیا۔

فیصلے میں کہا گیا کہ آئین کا آرٹیکل 17 ہر شہری کو آزادی اظہار رائے سمیت دیگر حقوق فراہم کرنے کا پابند کرتا ہے۔عام انتخابات کے لیے الیکشن کمپین اور اپنا منشور بتانے کی تشہیر بنیادی حق ہے۔

عدالت نے قرار دیا کہ صاف شفاف انتخابات کے لیے  آزاد میڈیا کے ذریعے آزادی اظہار رائے ہونی چاہیے،آزادی اظہار کے بغیر انتخابات انتخابات کو صاف اور شفاف نہیں دیا جاسکتا۔

تحریری فیصلے میں نواز شریف اور بینظیر بھٹو کے فیصلوں کا حوالہ بھی دیا گیا۔

عمران خان نے ٹی وی چینلز پر کوریج نا ملنے کا اقدام ہائیکورٹ میں چیلنج کیا تھا۔