لاہور ہائیکورٹ نے خدیجہ شاہ سمیت جناح ہاؤس حملے کے 4 ملزموں کی ضمانت منظور کر لی

لاہور ہائیکورٹ نے سابق وزیر خزانہ کی بیٹی خدیجہ شاہ کو جناح ہاؤس اور عسکری ٹاور پر حملوں کے مقدمات میں ضمانت  پر رہا کرنے کا حکم دے دیا۔عدالت نے جناح ہاؤس حملے میں تین ملزموں کو بھی  ضمانت رہا کر دیا۔

لاہور ہائیکورٹ نے خدیجہ شاہ کی ضمانت کی درخواست پر فیصلہ سنایا. خدیجہ شاہ نے اپنی گرفتاری کیخلاف لاہور ہائیکورٹ سے رجوع کیا تھا  اور ضمانت پر رہائی کیلئے درخواستیں دائر کی تھیں۔

 دو رکنی بنچ نے محفوظ کیا گیا  فیصلہ سناتے ہوئے خدیجہ شاہ کی ضمانت کی درخواست منظور کر لی،  اس سے پہلے انسداد دہشت گردی عدالت نے سابق وزیر خزانہ کی بیٹی کی ضمانت کی درخواست مسترد کر دی تھی.

دو رکنی بنچ نے فیاض احمد، احمد سلیم اور حافظ اسامہ کی ضمانت کی درخواستیں منظور کر لیں،   جبکہ عدالت نے ایک ملزم سفیان کی درخواست واپس لینے کی بنیاد پر نمٹا دی۔