لاہور: ڈیفنس سی میں چور گھر کا صفایا کر گئے، 125 سونا، 200 تولے چاندی اور سعودی ریال لوٹ لیے

لاہور کے علاقے ڈیفنس  سی میں  چور گھر کا صفایا کر گئے، چور گھر سے 125  تولے طلائی زیورات، 200 تولے چاندی، 2500 سعودی ریال  لے گئے ۔

فیملی عید منانے آبائی شہر خوشاب گئی ہوئی تھی،پولیس نے متاثرہ شہری کی مدعیت میں مقدمہ درج کر لیا۔

ڈیفنس سی، فیز 6 کے رہائشی احمد خان کے گھر میں نقب زنی کی واردات ہوئی۔

ملزمان کو سی سی ٹی وی کیمروں اور دیگر ذرائع کی مدد سے گردونواح میں چیک کیا جا رہا ہے،پولیس اور فرانزک ٹیم نے موقع سے شواہد اکٹھے کر لیے۔

ایس پی کینٹ کے مطابق متاثرہ شہری محمد اویس کی مدعیت میں نا معلوم چوروں کے خلاف مقدمہ درج کیا جا رہا ہے۔

ایس پی کینٹ نے ایس ڈی پی او برکی کی سربراہی میں ملزمان گرفتار کرنے کے لیے ٹیم تشکیل دے دی۔

ایس پی کینٹ اویس شفیق کا کہنا ہے کہ ملزمان کو جلد گرفتار کر لیا جائیگا۔