ہار جیت کھیل کا حصہ ہے، قوم بابر اعظم کو سپورٹ کرے، محمد یوسف

پاکستان کرکٹ ٹیم کے سابق کپتان محمد یوسف بابر اعظم کے حق میں بول پڑے، محمد یوسف نے قوم سے بابر اعظم کو سپورٹ کرنے کی اپیل کردی۔

سابق کپتان محمد یوسف کہتے ہیں ہم سب کو بابراعظم کا ساتھ دینا ہوگا کیونکہ وہ پاکستان کا کپتان ہے، پاکستان کی نمائندگی کر رہا ہے۔

محمد یوسف نے کہا کہ کھیل میں ہار جیت ہوتی رہتی ہے مگر ہم نے ان سب کو سپورٹ کرنا ہے۔ ‎اگر ہم نے اپنی سوچ بڑی نہ رکھی تو اگلے میچز میں ہماری ٹیم کے لئے مشکل ہوسکتی ہے۔

سوچ بڑی نہ رکھی تو ہماری ٹیم ویسے پرفارم نہیں کر سکے گی جیسے قوم نے امیدیں لگا رکھی ہیں۔

‎ محمد یوسف نے کہا کہ ہم سب کو امید ہے کہ پاکستان اگلے چاروں میچز جیتے گا اور اچھے رن ریٹ سے جیتیں گے،پہلی چار ٹیموں میں آنے کے لیے ہمیں بطور کھلاڑی اور قوم یہی سوچ رکھنی ہوگی۔