محمود اچکزئی نے صدارتی الیکشن ملتوی کرنے کا مطالبہ کردیا

صدارتی امیدوار محمود اچکزئی نے الیکشن کمیشن کو خط لکھ کر صدارتی الیکشن سے ایک دن پہلے ووٹنگ ملتوی کرنے کا مطالبہ کر دیا۔

محمود اچکزئی کی جانب سے لکھے گئے خط میں کہا گیا ہے کہ قومی اور صوبائی اسمبلیوں کی متعدد مخصوص نشستیں ابھی خالی ہیں۔

محمود اچکزی کا موقف ہے کہ الیکٹورل کالج مکمل ہونے تک الیکشن ملتوی کیا جائے۔

یاد رہے کہ ملک میں صدارتی الیکشن 9 مارچ کو شیڈول ہے، الیکشن میں آصف زرداری اور محمود اچکزئی مدمقابل ہیں تاہم سربراہ پشتونخوا میپ نے الیکٹورل کالج پر تحفظات کا اظہار کرتے ہوئے الیکشن کمیشن سے صدارتی انتخاب ملتوی کرنے کا مطالبہ کیا ہے۔

صدارتی الیکشن کیلئے پارلیمنٹ ہاؤس اور چاروں صوبائی اسمبلیوں میں پولنگ صبح دس سے شام چار بجے تک ہوگی، صدارتی الیکشن کے لیے چیف الیکشن کمشنر ریٹرننگ افسر ہوں گے۔