تازہ ترین
مریم نواز نے سی ایم پنک گیمز کا افتتاح کردیا
وزیر اعلیٰ پنجاب مریم نواز نے پہلی سی ایم پنک گیمز کا شمع روشن کرکے آغاز کردیا۔ تقریب میں وزیر اطلاعات عظمیٰ بخاری سمیت وزیر کھیل پنجاب فیصل ایوب کھوکھر، وزیر تعلیم رانا سکندر حیات اور دیگر نے شرکت کی۔
پہلی سی ایم پنک گیمز کی افتتاحی تقریب میں ٹیموں نے مارچ پاسٹ کیا۔ اس موقع پر پنک گیمز کا آفیشل اینتھم بھی لانچ کیا گیا۔
تقریب سے گفتگو کرتے ہوئے وزیر اعلیٰ مریم نواز نے کہا کہ پہلے پنک گیمز کی انعامی رقم 50 لاکھ روپے تھی اب میں اسے ڈبل کرکے ایک کروڑ کرتی ہوں۔
پہلی سی ایم پنک گیمز میں کرکٹ ٹیپ بال، ہاکی، اتھلیٹکس، بیڈمنٹن، ٹیبل ٹینس، آرچری اور باسکٹ بال کے مقابلے شامل ہیں۔
ایونٹ میں 19 یونیورسٹیوں سے 1232 کھلاڑی شرکت کررہے ہیں۔ پنک گیمز کے مقابلے 5 مئی تک جاری رہیں گے۔