میڈیکل کالجز کے لیے داخلہ ٹیسٹ 27 اگست کو ہوں گے

پی ایم ڈی سی نے ایم ڈی کیٹ کے حوالے سےتمام صوبائی یونیورسٹیوں اور شہروں کی فہرست مانگ لی۔

پی ایم ڈی سی کے ترجمان کا کہنا ہے کہ کونسل کے دوسرے اجلاس میں ایم ڈی کیٹ کے 2023 کے نصاب کی منظوری دی دی گئی ہے،ایم ڈی کیٹ 2023 کا امتحان رواں سال 27 اگست کو متعلقہ صوبائی پبلک سیکٹر یونیورسٹی ذریعے قومی سطح پر منعقد کرنے کا فیصلہ کیا گیا ہے۔

ترجمان کا کہنا ہے کہ پی ایم ڈی سی کی جانب سے ایم ڈی کیٹ امتحان کے لیے رجسٹریشن پورٹل 15 دن کے لیے کھولا جائے گا۔

ترجمان کا کہنا ہے کہ منظور شدہ نصاب پی ایم ڈی سی کی ویب سائٹ پر موجود ہے، پی ایم ڈی سی کی جانب سے ہر متعلقہ صوبائی حکومت اور داخلہ لینے والی یونیورسٹی سے ان کے شہروں کی فہرست فراہم کرنے کی درخواست کی گئی ہے۔

ترجمان کا کہنا ہے کہ اس سال 27 لاکھ سے زیادہ طلبہ میڈیکل اور ڈینٹل کالجز میں داخلے کے لیے امتحان دیں گے۔