مریم نواز کی صدارت میں اجلاس، پنجاب کے 8 شہروں میں سنٹرل بزنس ڈسٹرکٹ بنانے پر اتفاق

وزیراعلیٰ پنجاب مریم نواز کی زیر صدارت اجلاس میں پنجاب سنٹرل بزنس ڈسٹرکٹ اتھارٹی کے پراجیکٹس سے متعلق تفصیلی بریفنگ دی گئی۔پنجاب کے 8شہروں میں سی بی ڈی بزنس سنٹرز قائم کرنے پر اتفاق کیا گیا۔

سیالکوٹ میں سٹی آف سپورٹس قائم کرنے کی تجویزدی گئی، سٹیڈیم بھی بنایا جائے گا۔ پنجاب میں رئیل اسٹیٹ انویسٹمنٹ ٹرسٹ کے قیام کے لئے قانون سازی کا فیصلہ بھی کیا گیا۔

آئی ٹی سٹی میں سلیکون کلسٹرپر پیشرفت کا جائزہ لیا گیا، لاہورکلمہ چوک پر سی بی ڈی گرینڈ سنٹرل سٹیشن قائم ہوگا۔

وزیر اعلیٰ مریم نواز شریف کو فیروز پور روڈ پر گرینڈ سوک سنٹر لاہور کے قیام کے بارے میں تفصیلی بریفنگ دی گئی،گرینڈ سوک سنٹر میں 600 شاپس اور ریسٹورنٹس قائم ہوں گے۔

بریفنگ میں بتایا گیا کہ سی بی ڈی مین بلیوارڈپر ماحول دوست بلیو روڈز بنائے گی۔

سی بی ڈی کے چیف ایگزیکٹو آفیسر عمران امین نے قائد ڈسٹرکٹ، باب ڈسٹرکٹ اور پنڈی ڈسٹرکٹ کے بارے میں جائزہ رپورٹ پیش کی۔

اجلاس میں سینیٹر پرویز رشید، سینئرصوبائی وزیرمریم اورنگزیب، صوبائی وزیر اطلاعات و ثقافت عظمیٰ زاہد بخاری، ایم پی اے ثانیہ عاشق، معاون خصوصی ذیشان ملک، چیف سیکرٹری، چیئرمین پی اینڈ ڈی، سی او او بریگیڈئرمنصور جنجوعہ، سیکرٹری فنانس، پرنسپل سیکرٹری اور دیگر حکام موجود تھے