ایم کیو ایم نے مزید وزارتیں مانگ لیں، پاور شیئرنگ فارمولے پر عمل کا مطالبہ

ایم کیو ایم نے وفاقی حکومت سے مزید وزارتیں مانگ لیں۔ایم کیو ایم نے ن لیگ کےساتھ کیا گیا معاہدہ ایک بار پھر حکومت کو یاد دلا دیا۔ متحدہ نے وزیراعظم کواپنے مطالبات یاد دلاتے ہوئے پاورشیئرنگ فارمولے پر عملدرآمد کرنے کا مطالبہ کیا ہے۔

ذرائع کا کہنا ہے کہ ایم کیو ایم نے حکومت سے کئے گئے معاہدے کا معاملہ ایک بار پھر اٹھا دیا،ایم کیو ایم نے وزیر اعظم کو اپنے مطالبات یاد کروائے۔

ذرائع نے کہا کہ ایم کیو ایم کا مطالبہ ہے کہ حکومت طے شدہ فارمولے کے تحت معاہدہ پورا کرے،ایم کیو ایم نے حکومت سے مزید وزارتیں مانگی ہیں،حکومت نے ایم کیو ایم کو 5 وزارتیں دینے کا وعدہ کیا تھا۔

ایم کیو ایم نے حکومت سے باقی مطالبے بھی ماننے پر زور دیا، ذرائع کا کہنا ہے کہ حکومت نے اہم فیصلوں میں مشاورت کی بھی یقین دہانی کرائی تھی۔