ایم کیو ایم نے نگران وزیراعظم کے لیے کامران ٹیسوری کا نام دے دیا

یم نے نگران وزیراعظم کے لیے کامران ٹیسوری کا نام وزیراعظم شہباز شریف کو پیش کردیا، کے الیکٹرک اور مردم شماری سے متعلق امور بھی ملاقات میں زیربحث آئے۔

ایم کیو ایم کے وفد نے وزیراعظم شہباز شریف سے ملاقات کی،ایم کیو ایم وفد خالد مقبول صدیقی  کی سربراہی میں وزیراعظم سے ملا۔وفد میں گورنر سندھ کامران ٹیسوری،فاروق ستار اور وفاقی وزیرامین الحق شامل تھے

ملاقات میں نگران حکومت کے قیام،آئندہ انتخابات پر تبادلہ خیال کیا گیا، ذرائع کا کہنا ہے کہ ایم کیو ایم نے نگران وزیراعظم کیلئے کامران ٹیسوری کا نام وزیراعظم کو دے دیا،

ایم کیو ایم نے وزیراعظم کے سامنے کے الیکٹرک سے متعلق اووربلنگ ،لوڈشیڈنگ کے مسائل رکھے، کراچی کیلئے بجلی مہنگی کرنے پر بھی  ایم کیو ایم نے اظہار تشویش کیا اور کہا کہ صارفین پر اضافی وصولی بوجھ ہے،اس پر وزیراعظم نظرثانی کریں۔

ایم کیو ایم کے وفد نے ڈیجیٹل مردم شماری میں تحفظات کے ازالے اورتجاویزکی شمولیت پر وزیراعظم کا شکریہ ادا کیا۔ وزیراعظم نے کہا کہ ساتویں ڈیجیٹل مردم شماری کے نتائج کی منظوری سیاسی جماعتوں کے اتفاق رائے سے ہوئی۔

وفد نےوزیراعظم کو سندھ بالخصوص کراچی میں جاری ترقیاتی منصوبوں سے آگاہ کیا، ملاقات میں وفاق وزرا سردار ایاز صادق اور خرم دستگیر بھی موجود تھے۔