بجرنگی بھائی جان کی منّی نے میٹرک کا امتحان اچھے نمبروں سے پاس کر لیا

ہرشالی ملہوترا، جنہوں نے 2015 میں سلمان خان کی اداکاری اور کبیر خان کی ہدایت کاری میں بننے والی بلاک بسٹر بجرنگی بھائی جان میں منّی کا کردار ادا کیا، نے دسویں جماعت کے بورڈ کے امتحانات میں 85 فیصد نمبر حاصل کیے ہیں۔ اداکارہ نے اپنے انسٹاگرام پر ایک ویڈیو میں اپنا رزلٹ شیئر کیا اور اپنے ٹرولز کو بھی شٹ اپ کر دیا، جنہوں نے ان سے ریل بنانے کے بجائے پڑھائی پر توجہ دینے کا کہا تھا۔

کیپشن میں، ہرشالی نے لکھا، ” میں اپنی کتھک کلاسز، شوٹس اور اسٹڈیز کے درمیان بہترین توازن قائم کرنے میں کامیاب رہی۔ اور نتیجہ؟ ایک متاثر کن 83% سکور! ریل اور حقیقی دنیا دونوں میں آپ کا دلی شکریہ ادا کرتی ہوں جنہوں نے مجھ پر یقین کیا اور اپنی غیر متزلزل حمایت کی پیشکش جاری رکھی۔”

اپنے نتیجے کے بارے میں بات کرتے ہوئے اداکارہ نے ہندوستان ٹائمز کو بتایا، “میرا نتیجہ ان تمام لوگوں کا جواب ہے جو پڑھائی پر میری توجہ کے بارے میں سوال کرتے ہیں۔ میرا کتھک کا امتحان بھی تھا، جس میں میں نے ٹاپ کیا تھا۔ میں پیر سے جمعہ تک پڑھائی پر توجہ دیتی تھی۔ ہفتہ اور اتوار کو میں کتھک کرتی تھی اور ریل شوٹ کرتی تھی۔ جب ان سے پوچھا گیا کہ وہ آن لائن منفی تبصروں سے کیسے نمٹتی ہیں، تو انہوں نے مزید کہا، “میری والدہ میرا انسٹاگرام اکاؤنٹ ہینڈل کرتی ہیں۔ ٹرولنگ کو بھی وہ ہینڈل کرتی ہیں۔ میں اپنی پوسٹس پر تبصرے نہیں پڑھتی۔ لیکن میری والدہ کچھ اچھے تبصرے دکھاتی ہیں۔ کبھی کبھی.”

بجرنگی بھائی جان میں بالی ووڈ میں ڈیبیو کرنے سے پہلے، ہرشالی چند ٹیلی ویژن شوز میں نظر آ چکی ہیں جن میں قبول ہے، لوٹ آو ترشا، اور ساودھان انڈیا شامل ہیں۔ 2015 کی کامیڈی ڈرامہ فلم کے لیے بہترین چائلڈ آرٹسٹ کے متعدد ایوارڈز حاصل کرنے کے بعد بھی اس نے گزشتہ نو سالوں میں اداکاری سے پرہیز کیا۔