مراد علی شاہ نے تیسری بار وزارت اعلیٰ سندھ کا حلف اٹھا لیا

مراد علی شاہ نے تیسری بار سندھ کے وزیر اعلیٰ کی حیثیت سے حلف اٹھا لیا، گورنر سندھ کامران ٹیسوری نے ان سے حلف لیا۔

حلف برداری کی تقریب گورنر ہائوس سندھ کے سبزہ زار پر منعقد کی گئی، چیر مین پیپلز پارٹی بلاول بھٹو زرداری خصوصی طور پر تقریب میں شریک ہوئے۔

پیپلز پارٹی کے رہنما قائم علی شاہ، فریال ٹالپر، آغا سراج اور شرجیل میمن بھی تقریب میں موجود تھے۔

یوکے،فرانس ، ترکی، امارات، عمان ، سری لنکا، تھائی لینڈ، انڈونیشیا ، ملیشیا ، ویتنام اور بنگلہ دیش کے سفارت کاروں سمیت نگران وزیر اعلیٰ جسٹس ریٹائرڈ مقبول باقر، نگران کابینہ کے وزراء، کاروباری اور سماجی شخصیات اور عمائدین شہر کی بڑی تعداد شریک ہوئی۔