این اے 48 : ہائیکورٹ نے حکم امتناع دے دیا، کارروائی آگے نہیں بڑھ سکتی، جسٹس طارق جہانگیری

حلقہ این اے48 میں مبینہ دھاندلی کے خلاف الیکشن اپیل پر ٹریبونل کے جج جسٹس طارق محمود جہانگیری کو چیف جسٹس اسلام آباد ہائیکورٹ کے ٹرائل روکنے سے متعلق احکامات سے اگاہ کر دیا گیا۔

ٓٹربیونل کے جج طارق محمود جہانگیری نے پی ٹی آئی امیدوار علی بخاری کی درخواست پر سماعت کی، چیف جسٹس کی عدالت سے ٹرائل روکنے سے متعلق عدالت کو اگاہ کیا گیا۔

عدالت نے ریمارکس دیے کہ کیا آرڈر ہوئے؟ آرڈر کی کاپی دے دیں۔ وکیل الیکشن کمیشن نے چیف جسٹس کے احکامات پڑھے، ٹریبونل نے ریمارکس دیے کہ کاروائی روکی گئی ہے،جب آرڈر ہوگا تو ہم اس پر عملدرآمد کے پابند ہیں۔

شعیب شاہین نے کہا کہ پہلے والی کاروائی تو جاری رکھی جائے، طارق فضل چوہدری نے آر اوز سے فارمز لیکر تصدیق کروا کر جمع کرادیئے،ٹریبونل نے کہاابھی عدالت نے کاروائی روک رکھی ہے یہ چیزیں ٹرائل میں ہونی ہیں،سٹے ختم کروائیں،کاروائی آگے بڑھا لیں گے، ٹرائل کا سٹے ہوگیا تو پوچھ ہی نہیں سکتے،سب کے جواب جمع ہوگئے ہیں،دلائل سن کر اگر فیصلہ لکھواتاہوں تو اگر کیس دوسرے ٹربیونل کو چلے گئے تو وقت کا ضیاع ہوگا،الیکشن کمیشن وکیل سمیت سب کو پہلے روز ہی قانون پڑھوایاتھا،ایک لاکھ تک جرمانہ ہے،سٹے نہ آتا تو فیصلہ ایک ہفتہ میں فیصلہ آجاتا، کسی طرف سے تاخیر نہیں،سٹے جب تک ہے کچھ نہیں ہوسکتا۔

وکیل نے کہا کاغذات جمع کرانے کا عدالت نے کہا تھا ٹرائل نہیں ہوسکتا لیکن کاغذات تو جمع ہوسکتے ہیں، آر او کوتحریری جواب اور فارمز جمع کرانے کا پابند کیا گیا تھا،ٹریبونل نے سماعت24 جولائی تک کیلئے ملتوی کردی۔