عمران خان کابینہ کے نام ای سی ایل سے نکال دیئے گئے، بانی پی ٹی آئی، بشریٰ بی بی، فرح گوگی کے نام شامل رہیں گے

مراد سعید سمیت پی ٹی آئی دور حکومت کی وفاقی کابینہ ارکان کے نام ای سی ایل سے نکال دیئے گئے تاہم عمران خان ،بشریٰ بی بی،فرح گوگی اور زلفی بخاری کے نام ای سی ایل پر برقراررہیں گے۔

ذرائع کے مطابق موجودہ وفاقی کابینہ نے پی ٹی آئی کابینہ ارکان کےنام ای سی ایل سے نکالنےکی منظوری دی، وزیراعلیٰ خیبر پختونخوا علی امین گنڈہ پور کا نام ای سی ایل سے نکال دیا گیا ہے۔

ذرائع کے مطابق غلام سرورخان، مرادسعید، پرویز خٹک، شفقت محمود کے نام ای سی ایل سے نکال دیے گئے۔

ذرائع کا کہنا ہے کہ ای سی ایل سےنکالےجانے والوں میں اعجاز شاہ،علی زیدی،خسروبختیار اوراعظم سواتی،اسد عمر،عمر ایوب ،محبوب سلطان اورفواد چوہدری کے نام شامل ہیں۔

ای سی ایل سےنکالے جانے والے ناموں میں فروخ نسیم،شیریں مزاری اوردیگر بھی شامل ہیں۔

وفاقی حکومت نےنیب کی سفارش پر نام ای سی ایل سےنکالنے کی منظوری دی۔