Urdu Chronicles

Urdu Chronicles

کھیل

نیشنل ٹی 20 کپ: سپر ایٹ مرحلے میں پشاور، لاہور وائٹس، ایبٹ آباد نے اپنے میچ جیت لیے

Published

on

کراچی کے مختلف میدانوں پر جاری نیشنل ٹی20 کپ کے سپر ایٹ مرحلے میں پشاور، لاہور وائٹس اور ایبٹ آباد کی ٹیموں نے اپنے اپنے میچز جیت لیے۔

نیشنل بینک اسٹیڈیم پر کھیلے گئے میچ میں پشاور نے فاٹا کو 6 وکٹ سے شکست دی، فاٹا نے پہلے بیٹنگ کرتے ہوئے 3 وکٹوں پر 180 رنز بنائے۔

ریحان آفریدی کے 90 اور کاشف نور کے 32 رنز رائیگاں گئے کیونکہ پشاور نے صاحبزادہ فرحان اور افتخار احمد کی شاندار بیٹنگ سے ہدف آخری اوور میں حاصل کرلیا۔

صاحبزادہ فرحان نے 5 چھکوں اور 7 چوکوں کی مدد سے 40 گیندوں پر 74 اور افتخار احمد نے 29 گیندوں پر 3 چھکوں اور 2 چوکوں کے ذریعے 45 رنز بنائے۔

ایک اور میچ میں لاہور وائٹس نے محمد فائق کے ناقابل شکست 110 رنز کی بدولت سیالکوٹ کو 30 رنز سے مات دے دی۔

لاہور نے 2 وکٹوں کے نقصان پر 189 رنز بنائے، سیالکوٹ کی ٹیم ہدف حاصل کرنے میں ناکام رہی اور 19ویں اوور میں 159 رنز پر آؤٹ ہوگئی، شعیب ملک کے 64 رنز بھی ٹیم کے کام نہ آئے۔

این بی پی اسپورٹس کمپلیکس پر ہونے والے میچ میں ایبٹ آباد نے لاہور بلیوز کے خلاف 6 وکٹوں پر 171 رنز کا ٹوٹل کیا۔

ایبٹ آباد نے کامران غلام کے 69 اور سجاد علی کے 60 رنز کی بدولت ہدف آخری اوور میں حاصل کرکے حریف کو 3 وکٹ سے شکست دے دی۔

Continue Reading
Click to comment

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

مقبول ترین