نواز شریف دل کے علاوہ کئی دیگر عوارض میں مبتلا، میڈیکل رپورٹ لاہور ہائیکورٹ میں جمع

برطانوی اسپتال نے سابق وزیر نواز شریف کی میڈیکل رپورٹ جاری کر دی جس میں نشاندہی کی گئی ہے انہیں ابھی بھی دل کے عارضے کی علامات ہیں۔ رپورٹ میں یہ  تجویز کیا گیا ہے شوگر اور دیگر امراض کی وجہ سے ان کے پاکستان اور لندن میں مسلسل فالو اپ کی ضرورت ہے۔

 برطانیہ کے رائل برومپٹن ہسپتال  کے کنسلٹنٹ کارڈیالوجسٹ پروفیسر کارلو ڈی ماریو کی جانب سے سابق وزیر اعظم نواز شریف کی میڈیکل رپورٹ جاری کی گئی۔

برطانوی معالج کی رپورٹ لاہور ہائیکورٹ میں داخل کرا دی گئی۔ یہ رپورٹ نواز کے وطن آنے تقریباً دو ہفتے پہلے لاہور ہائیکورٹ میں داخل کرائی گئی ہے۔

رپورٹ میں کہا گیا کہ نواز شریف کو ابھی بھی سینے میں دل کے عارضے کی علامات ہیں۔ نواز شریف کو شوگر اور دیگر امراض کی وجہ سے پاکستان اور لندن میں مسلسل فالو اپ کی ضرورت ہے۔

رپورٹ میں یہ بھی بتایا گیا کہ نواز شریف کی ماضی میں ہونے والی بائی پاس سرجری اور اینجیو پلاسٹی کی وجہ سے ان کا مسلسل چیک اپ ہوتا رہا۔ نواز شریف کی پہلے اینٹی اینجنل تھراپی کی بہتری کے لیے علاج کیا گیا اور پھر انہیں  انجائنا کی علامات اور کورونا وبا کی وجہ سےپاکستان جانے سے روک دیا گیا تھا۔

 رپورٹ نے کہا گیا کہ جب نواز شریف میں مرض کی علامات بڑھ گئیں تو  ان کی انجیو پلاسٹی دوبارہ کرنے کا فیصلہ کیا۔  میڈیکل رپورٹ کے مطابق نواز شریف کی انجیو پلاسٹی نومبر 2022 میں کی گئی اور اس دوران نواز شریف کو سٹنٹ بھی ڈالے گئے۔