نواز شریف پیپلز پارٹی کو وزارت عظمیٰ کی پیشکش کریں، عمران خان کو رہا کیا جائے، مشاہد حسین

سینیٹر مشاہد حسین نے کہا ہے کہ نوازشریف  وزارت عظمیٰ پییلز پارٹی کو آفرکریں،پی ٹی آئی کو بھی شامل کریں۔

سینیٹرمشاہد حسین نے سینیٹ اجلاس میں اظہار خیال کرتے ہوئے کہا کہ پی ٹی آئی کومبارکباد دیتا ہوں وہ الیکشن میں دوسری بڑی پارٹی ہے،2018 میں ہمارے ساتھ  جو سلوک ہوا اس پر یہ لوگ خوش تھے،جتنےبھی سیاسی قیدی ہیں بشمول عمران خان انہیں رہا کیا جائے،سیاسی جماعتوں کو مل کر قومی حکومت بنانی چاہئے۔

سینیٹرمشاہد حسین نے کہا کہ سیاسی جماعتیں ماضی سے سبق سیکھ کر آگے کی طرف جائیں،8 فروری کو عوام نے ثابت کیا ان کا نظام پر اعتماد ہے،قائداعظم نے ووٹ کے ذریعے پاکستان بنایا تھا،اس وقت ملک میں 3 بڑی سیاسی جماعتیں ہیں وہ مل کر فیصلہ کریں۔

سینیٹرمشاہد حسین نے کہا کہ نوازشریف بڑے آدمی اور مدبر رہنما ہیں،نوازشریف  وزارت عظمیٰ پییلز پارٹی کو آفرکریں،پی ٹی آئی کو بھی شامل کریں،سیاسی جماعتیں فیصلہ نہیں کریں گی تو معاملہ کہیں اور چلا جائےگا۔