آئی فون سمگلنگ کا نیا طریقہ، سستا عمرہ پیکج

پاکستان کسٹمز کی جناح ٹرمینل پر کارروائی،بھاری مالیت کے آئی فونز اسمگل کرنے کی کوشش ناکام بنادی گئی۔

سادہ لوح عمرہ زائرین کے ذریعے آئی فونز اسمگل ہونے کی اطلاع پر کارروائی کی گئی، امارات ائیر کی پرواز سے آنے والے ایک مشکوک عمرہ گروپ کے افراد سے 51 قیمتی آئی فونز برآمد کیے گئے، برآمدہ آئی فونز میں 25 عدد 15پرومیکس، 12عدد 14 پرومیکس، 14عدد 11، 12 پرومیکس شامل ہیں۔

اسمگل ہونے والے آئی فونز کی مالیت 2کروڑ 74لاکھ روپے ہے،اسمگلنگ کے ذریعے 88لاکھ روپے کی ڈیوٹی وٹیکسوں کی چوری کی جارہی تھی۔

ائیرپورٹ ارائیول پر عمرہ زائرین کے لیے تیز خدمات کی سہولت سے اسمگلرز فائدہ اٹھانے کی کوشش کررہے تھے،آئی فونز کے خالی ڈبے زائرین سامان جبکہ آئی فونز پہنے ہوئے ملبوسات سے برآمد ہوئے۔

منظم گروہ سستے ٹکٹس اور رقم کی لالچ دیکر زائرین کو 1سے 10آئی فونز لانے کی ترغیب دیتے ہیں،حکام نے 3افراد کو گرفتار کرکے مجاز عدالت سے ریمانڈ حاصل کرلیا ہے۔