عمران خان اور بشریٰ بی بی کے خلاف توشہ خانہ کا نیا ریفرنس دائر

نیب نے بانی پی ٹی آئی عمران خان اور بشریٰ بی بی کیخلاف نیا توشہ خانہ ریفرنس دائر کر دیا۔نیب کے تفتیشی افسر محسن ہارون اور کیس آفیسر وقار الحسن نے احتساب عدالت میں ریفرنس دائر کیا۔ نیب کی جانب سے دائر نیا توشہ خانہ ریفرنس دو والیمز پر مشتمل ہے۔

نیب کی جانب سے اس کیس میں بانی پی ٹی آئی عمران خان اور بشریٰ بی بی کو 13 جولائی کو گرفتار کیا گیا تھا، بانی پی ٹی آئی عمران خان اور بشریٰ بی بی مجموعی طور پر 37 دن نیب کی تحویل میں رہے،بانی پی ٹی آئی، بشریٰ بی بی کو نیب کی جانب سے سوال نامہ بھی فراہم کیا گیا تھا،دونوں ملزمان نے سوال نامے کے جوابات نیب کو جمع کروا دیئے تھے،تفتیش مکمل ہونے پر بانی پی ٹی آئی اور بشریٰ بی بی کو 19اگست کوجوڈیشل کردیا گیا تھا۔