پاکستان کے ساتھ 5 ٹی 20 میچز کی سیریز کے لیے نیوزی لینڈ کے 15 رکنی سکواڈ کا اعلان

نیوزی لینڈ نے دورہ پاکستان کیلئے 15 رکنی اسکواڈ کا اعلان کردیا،اہم کھلاڑیوں کی عدم موجودگی کے باعث مائیکل بریسویل کو پہلی بار کیوی ٹیم کاکپتان مقرر کیا گیا ہے۔

دورۂ پاکستان کے لیے بریسویل کے علاوہ فن ایلن،مارک چیپمین اور جوش کلارکسن اسکواڈ میں شامل ہیں۔

جمی نیشم، ٹم سائفرٹ، اش سودھی، جیکب ڈفی، ڈین فاکس کرافٹ، بین لسٹر اور کول مک کونچی بھی کیوی ٹیم کا حصہ ہیں۔

نیوزی لینڈ کے 9 کھلاڑی آئی پی ایل اور ایک کاؤنٹی کی وجہ سے دستیاب نہیں ہے۔

ٹم رابنسن اور ول اورارکی کو  پہلی بار اسکواڈ کا حصہ بنایا گیا ہے،ٹرینٹ بولٹ، ڈیون کانوے،لوکی فرگوسن،میٹ ہینری اور ڈیرل مچل آئی پی ایل میں مصروف ہیں۔

نیوزی لینڈ کرکٹ کے مطابق گلین فلپس، رچن روندرا، کین ولیمسن اور مچل سینٹنر بھی آئی پی ایل کھیل رہے ہیں۔

ول ینگ کاؤنٹی جبکہ ٹام لیتھم گھریلومصروفیات کی وجہ سےدستیاب نہیں ہیں،ٹم ساؤتھی کو ورک لوڈ مینجمنٹ کے تحت دورہ پاکستان کے لیے آرام دیا گیا ہے۔

پاکستان اور نیوزی لینڈ کے درمیان پانچ ٹی ٹوئنٹی میچز کی سیریز 18 اپریل سے شروع ہوگی،نیوزی لینڈ کرکٹ ٹیم 12 اپریل کو پاکستان کے لیے روانہ ہوگی۔