الحمرا میں ننگا ناچ، فحش ڈرامے، ایگزیکٹو ڈائریکٹر سلیم ساگر کو ہٹا دیا گیا

نگران وزیر اطلاعات و ثقافت عامر میرنے الحمراآرٹس کونسل لاہور کے ایگزیکٹو ڈائریکٹر سلیم ساگر کو عہدے سے ہٹا دیا۔چند ماہ پہلے تعینات ہونے والے سلیم ساگر کو نااہلی اور کرپشن کے الزامات کا سامنا تھا۔

وزیر اطلاعات و ثقافت عامر میر کے احکامات پر الحمرا ارٹس کونسل لاہور کے ایگزیکٹو ڈائریکٹر سلیم ساگر کو فوری طور پر ان کے عہدے سے ہٹا دیا گیا ہے اور سروس اینڈ جنرل ایڈمنسٹریشن ڈیپارٹمنٹ میں ٹراسفر کر دیا گیا ہے۔

چند ماہ پہلے اس عہدے پر تعینات ہونے والے سلیم ساگرکو نا اہلی اور کرپشن کے الزامات کا سامنا تھا۔ اب الحمرا کے ایگزیکٹو ڈائریکٹر کا عارضی چارج ایڈیشنل سیکرٹری ایڈمنسٹریشن انفارمیشن اینڈ کلچر ڈیپارٹمنٹ طاتق محمود کو دے دیا گیا ہے۔

یاد رہے کہ الحمرا مال روڈ لاہور کی تاریخ میں یہ بھی سلیم ساگر کے زیر سایہ پہلی مرتبہ ہوا کہ خواتین ڈانسرز نے سٹیج ڈراموں کے نام پر عریانی اور فحاشی کے تمام ریکارڈ توڑ ڈالے اور یہ سب کچھ سلیم ساگر کی ناک تلے ہوتا رہا۔

ان واقعات کے بعد ڈانسرز کے خلاف مقدمات درج ہو چکے ہیں اور ان پر پابندی عائد کی جا چکی ہے۔