سندھ میں پولیس وینز کے نجی استعمال کی شکایات پر تمام گاڑیوں میں ٹریکر لگا دیئے گئے

سندھ میں پولیس کی موبائل وینز ذاتی کاموں میں استعمال کی شکایات پر اعلی صوبے بھر کے تھانوں اور اسپیشل یونٹس کے زیر استعمال گاڑیوں میں ٹریکرز لگا دیئے گئے۔

سندھ پولیس کے مطابق مجموعی طور پر ساڑھے پانچ ہزار گاڑیوں میں ٹریکرز لگانے کا کام شروع کیا گیا ہے، تاحال چار ہزار گاڑیوں اور موبائلز میں ٹریکرز کی تنصیب مکمل کی جاچکی ہے۔

پولیس حکام کے مطابق سرکاری موبائل وینز کے بے جا استعمال اور ایندھن کے ضیاع کی شکایات پر فیصلہ کیا گیا ہے، پولیس موبائلز کی نقل و حرکت کو مانیٹر کرنے کے لیے مانیٹرنگ روم بھی بنا دئیے گئے ہیں۔

تمام زونز کے ڈی آئی جی اور ایس ایس پیز کے دفاتر میں مانیٹرنگ روم بنائے گئے ہیں، اگلے مرحلے میں پولیس کے زیر استعمال مزید ڈیڑھ ہزار گاڑیوں اور موٹر سائیکلوں میں بھی ٹریکرز لگائے جائیں گے۔