کشمور کی تحصیل تنگوانی میں کچے کے ڈاکوؤں کے خلاف آپریشن، کئی ٹھکانے مسمار، 10 افراد گرفتار

کشمور کی تحصیل تنگوانی میں پوليس اور رینجرز نے ڈاکوؤں کے خلاف آپریشن تیز کر دیا، پولیس اور رینجرز کا دو الگ الگ مقام پر آپریشن جاری ہے۔

کشمور کی تحصیل تنگوانی جمال ڈیراسرکی اور شبیرآباد پولیس تھانہ کی حدود میں آج 20 ویں روز بھی آپریشن جاری ہے، پولیس اور رینجرز کا مشترکہ آپریشن درانی مہر کی کچے میں بھی ارسلاح سبزوئی گینگ کے خلاف جاری ہے،10 مشتبہ افراد زیر حراست اور ارسلاح سبزوئی سمیت چھ 06 ڈاکو زخمی ہوگئے۔

تنگوانی جمال ڈیراسرکی شبیرآباد میں 6 مشتبہ افراد کو بھی زیر حراست لیا گیا ہے، پوليس نے کچے کے تمام تر راستے بند کر دیئے، آپریشن کے دوران ڈاکوؤں اور پولیس کے درمیان وقفے وقفے سے فائرنگ کا تبادلہ جاری ہے۔

پولیس اور رینجرز کی فائرنگ سے ارسلاح سبزوئی سمیت چھ 06 ڈاکو زخمی ہوگئے، زخمی ہونے والے ڈاکوؤں کا تعلق سبزوئی گینگ سے ہے،،پولیس نے ناکہ بندی بندی کر کے سرچ آپریشن شروع کر دیا۔

آپریشن میں بکتر بند گاڑیوں، جدید مشینری سمیت پولیس اور رینجرز کی بھاری نفری حصہ لے رہی ہے، آپریشن کے دوران ڈاکوؤں کے ٹھکانوں اور مورچوں کو آگ لگا کر مسمار کردیا گیا۔

ایس ایس پی بشیر احمد بروہی کا کہنا ہے کہ  آپریشن جرائم پیشہ افراد کے خاتمے اور امن امان کی صورتحال بحال ہونے تک اور مغویوں کی بازیابی تک جاری رہے گا۔