ضلع خیبر کے علاقے تیراہ میں سکیورٹی فورسز کا آپریشن، 3 دہشتگرد مارے گئے

خیبر پختوخوا کے ضلع خیبر کے علاقے تیراہ میں سکیورٹی فورسز کے آپریشن میں تین دہشتگرد ہلاک ہو گئے، ہلاک ہونے والے تینوں دہشتگرد فورسز پر حملوں میں ملوث تھے۔

آئی ایس پی آر کے مطابق سکیورٹی فورسز نے خیبرکے علاقے تیراہ میں دہشت گردوں کی موجودگی کی اطلاع پر آپریشن کیا۔

پاک فوج کے شعبہ تعلقات عامہ کے مطابق فائرنگ کے شدید تبادلے میں 3 دہشت گرد ہلاک ہو گئے، ہلاک دہشت گردوں میں کمانڈر کفایت عرف طور عدنان بھی شامل ہے۔

ترجمان پاک فوج کے مطابق ہلاک دہشت گرد دہشت گردی کی کارروائیوں اور سکیورٹی فورسز پر حملوں میں ملوث تھے، علاقے میں ممکنہ دہشت گردوں کی تلاش اور خاتمے کیلئے کلیئرنس آپریشن جاری ہے۔

ترجمان پاک فوج کا کہنا ہے کہ سکیورٹی فورسز دہشت گردی کے خاتمے کیلئے پرعزم ہیں۔