بیگ پیک کرو اور نکلو، 70 ہزار ووٹوں کی برتری کے بعد کنگنا کا مخالف امیدوار کو پیغام

اداکار کنگنا رناوت، ہماچل پردیش کے علاقے منڈی سے بی جے پی امیدوار کے طور پر سیاسی کیریئر کا آغاز کر رہی ہیں، الیکشن کمیشن کے ابتدائی رجحانات کے مطابق کنگنا نے بہت بڑی برتری حاصل کر لی ہے۔ 70,000 سے زیادہ ووٹوں کی برتری کے ساتھ، کنگنارناوت بڑی جیت کی طرف بڑھ رہی ہیں۔
37 سالہ بالی ووڈ اسٹار نے حریف کانگریس امیدوار وکرمادتیہ سنگھ پر طنز کرتے ہوئے کہا کہ ہو سکتا ہے کہ اب انہیں “اپنا بیگ پیک کر کے نکلنا پڑے”۔

اداکارہ کے ریمارکس کا مقصد ان الزامات پر تھا کہ وہ ممبئی کے انتخابات کے بعد منڈی کو پیچھے چھوڑ کر واپس آئیں گی۔

کنگنا رناوت نے اے این آئی کو بتایا، “انہیں عورت کے بارے میں اتنی گھٹیا بات کرنے کا خمیازہ بھگتنا پڑے گا… اور آج جس طرح سے ہمیں برتری حاصل ہوئی ہے اس سے یہ بات واضح ہو رہی ہے۔ منڈی نے بیٹیوں کی توہین پر مہربانی نہیں کی،”۔