نیوزی لینڈ کے خلاف ٹی 20 سیریز کے لیے پاکستان سکواڈ کا اعلان

نیوزی لینڈ کے خلاف ٹی 20 سیریز کے لیے قومی کرکٹ ٹیم کا اعلان کردیا گیا۔

لاہور میں پریس کانفرنس کرتے ہوئے چیف سلیکٹر وہاب ریاض نے اعلان کیا کہ نیوزی لینڈ کے خلاف سیریز کے لیے شاداب خان انجری کی وجہ سے اسکواڈ میں شامل نہیں، وکٹ محمد حارث کو بھی اس سیریز میں آرام دیا گیا ہے۔

انہوں نے کہا کہ شاہین شاہ آفریدی کی قیادت میں نیوزی لینڈ کے خلاف سیریز اسکواڈ میں عباس آفریدی، عامر جمال، ابرار احمد، وکٹ کیپر اعظم خان اور بابر اعظم شامل ہیں۔

وہاب ریاض کا کہنا تھا کہ فخر زمان، حارث رؤف، وکٹ کیپر حسیب اللہ، افتخار احمد، محمد نواز، وکٹ کیپر محمد رضوان، محمد وسیم جونیئر صاحبزادہ فرمان، سائم ایوب، زمان خان اور اسامہ میربھی ٹی ٹوئنٹی اسکواڈ کا حصہ ہوں گے۔

🚨 Pakistan’s squad for New Zealand T20Is 🚨#NZvPAK pic.twitter.com/1PcWujVWeO

— Pakistan Cricket (@TheRealPCB) December 19, 2023

قومی کرکٹ ٹیم کے چیف سلیکٹر نے کہا کہ نیوزی لینڈ میں ہمارے پانچ ٹی ٹوئنٹی ہیں، امید ہیں یہ کھلاڑی اچھا پرفارم کریں گے، البتہ پی ایس ایل تک حسنین اور نسیم شاہ دستیاب ہوں گے جب کہ احسان اللہ کو مزید وقت لگے گا۔

واضح رہے کہ قومی کرکٹ ٹیم اور نیوزی لینڈ کے خلاف 5 میچز پر مشتمل ٹی ٹوئنٹی سیریز کا آغاز 12 جنوری کو ہوگا۔