پرویز الٰہی 20 مقدمات میں ملزم نامزد، رپورٹ لاہور ہائیکورٹ میں پیش

لاہور ہائیکورٹ میں چوہدری پرویز الٰہی کے خلاف درج مقدمات کی تفصیل پیش کردی گئی چوہدری پرویز الٰہی 20 کیسز میں نامزد ہیں۔

عدالت میں پیش کی گئی رپورٹ کے مطابق چوہدری پرویز الٰہی کو لاہور میں درج تین مقدمات میں نامزد کیا گیا ہے،چوہدری پرویز الٰہی کیخلاف فیصل آباد کے چار کیسز میں نامزد کیا گیا ۔

رپورٹ کے مطابق چوہدری پرویز الٰہی کو راولپنڈی کے 11 مقدمات، ضلع اٹک کے ایک کیس میں نامزد کیا گیا ہے،چوہدری پرویز الٰہی کو گوجرانوالہ کے ایک کیس میں نامزد کیا گیا ہے۔

جسٹس امجد رفیق نے آئی جی پنجاب کو کیسز کی تفصیلات فراہم کرنے کا حکم دیا تھا، پرویز الٰہی کی غیرقانونی بھرتی کیس میں ضمانت ہوگئی ہے لیکن انہیں نئے کیسز میں نامزد اور گرفتار ہونے کی وجہ سے رہائی نہیں ملے گی۔