کوسٹ گارڈز کی پاسنگ آؤٹ پریڈ، اعلیٰ کارکردگی پر میڈلز دئیے گئے

کراچی میں پاکستان کوسٹ گارڈز کی پاسنگ آوٹ پریڈ کے دوران 416ریکروٹس پاس آوٹ ہوئے۔

پاکستان کوسٹ گارڈزکی پاسنگ آوٹ پریڈ کی پروقارتقریب ٹریننگ سینٹرکورنگی میں ہوئی،43ویں بیج کی پاسنگ آوٹ پریڈ کے دوران 416 ریکروٹس پاس آوٹ ہوئے،پریڈ کے مہمان خصوصی وفاقی وزیر داخلہ سرفراز احمد بگٹی تھے،سول،مسلح افواج کےاعلیٰ افسران،معززین اورپاس آوٹ ہونے والے ریکروٹس کے اہل خانہ نے بڑی تعداد میں شرکت کی۔

دوران تربیت اعلیٰ کارکردگی کا مظاہرہ کرنے والےریکروٹس کو میڈلزسےنوازاگیا،وفاقی وزیرداخلہ کا میڈیا سےبات چیت کے دوران کہناتھا کہ پاکستان کی سالمیت پرجوحملے کیے جارہے ہیں،ان کا مقابلہ کریں گے،ریاست پرکیے جانے والے حملے ہمارے حوصلوں کو پست نہیں کرسکتے،الیکشن میں دوتین ماہ کی تاخیر کو تاخیر نہیں سمجھتا،کراچی کا امن پورے ملک سے جڑاہے،چینی اورآٹے کی اسملنگ کے حوالے سے کل بھی میٹنگ ہوئی تھی،تمام فورسز کو پابند کیا ہے کہ اشیا خورد ونوش کی اسمگلنگ کوروکا جائے۔

ان کا مزید کہناتھا کہ ایک سال کے دوران کوسٹ گارڈز کی جانب سے 616ملین امریکی ڈالرزکی منشیات اور1077ملین روپے کی غیرقانونی اشیا کوپکڑکر380ملین روپے قومی خزانے میں جمع کروانے کا عمل کوسٹ گارڈز کےعملے کےغیرمتزلزل عزم اور پیشہ وارانہ صلاحیتوں کا منہ بولتا ثبوت ہے۔