چینی آئی پی پیز کو ادائیگی قرض پروگرام سے نہیں ہوگی، آئی ایم ایف نے گارنٹی مانگ لی

آئی ایم ایف نے قرض کی رقم سے چینی آئی پی پیز کو ادائیگی نہ کرنے کی گارنٹی مانگ لی، وزیر اعظم چینی قیادت سے معاملہ حل کرنے کی درخواست کریں گے۔

ذرائع کے مطابق پاکستان نے چینی آئی پی پیز کو 550 ارب روپے کے واجبات ادا کرنے ہیں۔ آئی ایم ایف گارنٹی چاہتا ہے کہ اسکے نئے پروگرام سے چینی آئی پی پیز کو ادائیگی نہیں کی جائے گی۔

ذرائع وزارت خزانہ نے بتایا کہ آئی ایم ایف گارنٹی چاہتا ہے کہ اسکے نئے پروگرام سے چینی آئی پی پیز کو ادائیگی نہیں کی جائے گی، آئی ایم ایف چینی کمپنیوں کے قرض ادائیگی کی ری شیڈولنگ کا مطالبہ کر رہا ہے۔

ذرائع کا کہنا ہے کہ پاکستان چینی حکومت سے قرض ادائیگی پانج سال موخر کرانے کیلئے مذاکرات کرے،چینی آئی پی پیز واجبات کی ادائیگی تک مذاکرات پر تیار نہیں،واجبات کے باعث حکومت چینی کمپنیوں کو پاور ٹیرف میں کمی پر بھئ قائل نہیں کر سکی۔