پیپلز پارٹی نے 15 سال حکومت کے دوران 50 ہزار ارب روپے خرچ کئے، صوبے کو صرف تباہی دی، مصطفیٰ کمال

ایم کیو ایم پاکستان نے سندھ حکومت کی پندرہ سالہ کارکردگی کو مسترد کرتے ہوئے وزیر اعلی سندھ کی پریزنٹیشن کو محض تشہیری مہم قرار دے دیا۔ سینئر ڈپٹی کنوینئر سید مصطفی کمال نے کہا ہے کہ پیپلز پارٹی کی حکومت نے اپنے پندرہ سالہ دوراقتدار میں ترقیاتی کاموں کی مد میں اٹھارہ ہزار ارب روپے خرچ کئے ۔ اتنے پیسوں میں سندھ کو پچاس بار بنایا جاسکتا تھا ۔ اس جماعت نے صوبے کو تباہی کے سوا کچھ نہیں دیا ۔ سندھ حکومت عوامی پیسہ اپنے تشہیر میں خرچ کررہی ہے۔

کراچی کے الیکشن آفس پاکستان ہاؤس میں پریس کانفرنس کرتے ہوئے سینیئر ڈپٹی کنوینئر سید مصطفی کمال نے کہا کہ گزشتہ روز وزیر اعلی سندھ کی پریزنٹیشن محض تشہیری مہم کی کڑی رہی ۔ سندھ حکومت عوامی پیسہ اپنے تشہیر میں خرچ کررہی ۔پوچھا جائے وہ پیسہ کس کا ہے؟
مصطفی کمال نے کہا کہ پیپلز پارٹی کی صوبائی حکومت نے اپنے پندرہ سالہ دوراقتدار میں ترقیاتی کاموں کی مد میں اٹھارہ ہزار ارب روپے خرچ کئے ۔ اتنے پیسوں میں سندھ کو پچاس بار بنایا جاسکتا تھا
ایم کیو ایم قیادت نے کہا کہ رپورٹ میں سندھ کے گیارہ ہزار اسکولز کا شمار گھوسٹ فہرست میں ہے۔ مہنگائی کی طرح پیپلز پارٹی کی کرپشن بھی بڑھتی چلی جارہی
مصطفی کمال نے مزید کہا کہ سندھ کی آمدنی کا 99 فیصد ہم کما کر دیتے ہیں۔ بجٹ میں کراچی کے لیے صرف 33 ارب روپے رکھے گئے ہیں جبکہ پنجاب نے پندرہ فیصد ،خیبر پختوخواہ نے 17.5 فیصد اور سندھ نے پانچ فیصد لوکل گورنمنٹ کا بجٹ رکھا ہے ۔ ایم کیو ایم نے سندھ کی عوام کا ہمیشہ مقدمہ لڑا اور آئندہ بھی لڑتی رہے گی۔